في الفترة الأخيرة لاحظت أن ناس كتيرة بتتكلم عن
الـDeepweb و اللي يقولك **ضيب ويب يرئ** و اللي يقولك جهازك هينفجر و اليقولك واحد ينطلك من الشباك و يقتلك أول متدخل للديب ويب و كلام غريب كتير كده و مش صح اكيد 😂
فـ في البوست ده هتكلم عن الـDeepweb و ازاي تدخله و ايه الموجود في الجزء ده من الـWeb و كل حاجة عنه بالتفصيل الممل بحيث انك بعد متقرا البوست ده مش هتحتاج تدور تاني عن الموضوع ده:-D
_______________
1-يعني ايه ديب ويب!؟
أول حاجة لازم تفهم أن كل المواقع اللي بتستخدمها في يومك العادي ديه نسبة قليلة جدا جدا من نسبة مواقع الإنترنت الكاملة والمواقع البتستخدمها شاملة الـYoutube,Facebook,Soundcloud,google,...
ف لو حابب تعرف ايه كمالة النسبة ياريت تقرا البوست ده لأخره و هتفهم 😃
________________
نبتدي بالـDeepWeb و ايه هو الديب ويب ده؟
_________________________________________
2- ترجمة ديب ويب للعربي هي الweb العميق او خلينا نقول الإنترنت العميق
و الأسم بيوصف الديب ويب لان كل حاجة فيه عميقة فعلاً و غير قانونية و فكرة Tor اتطورت في منتصف التسعينيات و بدعم من مجتمع الاستخبارات الامريكية و Tor هي الشبكة اللي من خلالها تقدر تدخل الديب ويب و تتصفح بأمان و سرية و هنتكلم عن الجزء ده في اخر البوست خالص متصفحtor(المتصفح اللي بيسمحلك دخول مواقع الديب ويب و بيخفي هويتك عامةً حتي لو استخدمت موقع فيسبوك) و تور بيغيرلك الـIp و أول مبتفتحه بتستني شوية و هو بيقولك الايبي بتاعك متغير ولا لا لو اه بيقولك
* congratulations.your browser is configured to use tor browser*
**و بالتالي مش هيعرفوا يتتبعوا مكانك ولا عمليات تحويل الفلوس البتعملها هناك زائد كده كمان ان تعاملهم بعملة البت كوين و اللي تقدر تحول لشخص تاني منغير مهو يعرف مين الباعتله ولا انت تعرف انت بتبعت لمين كل اللي تعرفه عنوان المحفظة بتاعت الشخص اللي بتبعت ليه ..
بمعني ان tor هيخليك بالنسبة لشبكة الانترنت مثلاً كأنك فاتح نت من بلد زي امريكا..الهند اي بلد المهم انه بيغيرلك البلد بتاعتك الحقيقية بحيث ان اي طرف يعرف يراقبك مثلاً زي مزود الخدمة بتاعك او او او.. هيلاقيك فاتح من بلد تانية زائد طريقة عمل شبكة تور و ديه هنتكلم عنها تحت و بكده هتبقي في امان بنسبة كبيرة و تقدر تتصفح في امان و المتصفح ده ممكن تفتح من عليه اي موقع عادي زي الفيسبوك مثلا لكن الميزه عن باقي المتصفحات هو انه بيأمنلك اكتر و بيسمح ليك انك تدخل لمواقع الديب ويب اللي بتشتغل بـ domains و Protocols مختلفة و اي متصفح عادي مش بيقدر يوصلها بسبب طريقة تشفير المواقع للمعلومات العليها
**هنتكلم عن متصفح Tor بالتفصيل تحت شوية :-D
______________________________________________
3- ازاي اتصفح مواقع الديب ويب طب!؟
لو من pc او لاب توب بتنزل متصفح tor من torproject.org
..
لكن لو عايز تدخل من موبايل بتنزل برنامجorfox و orbot...
Orfox
تغير منه البروكسي الأول بمعني انك اول مبتدخل دوس علي الزرار اللي في النص لغايت ميقولك انه اشتغل او *تور has started*
و بعد ميقولك ان البروكسي اتغير
تروح لـ Orbot الهو المتصفح نفسه و عيش حياتك بقي اتصفح براحتك و بس كده ايوه مش بهزر هو الموضوع في منتهي السهولة كده اهو :-D
...
و لكن في نفس الوقت الحكومة تقدر تجيب صاحب موقع علي الديب وزي بتوع موقع المخدرات silk road(في حالات قليلة الحكومة بتجيب اصحاب المواقع عادي زي في موقع silkroad) 😃 و الحكومة بتبقي مستهدفة البيشتغلوا في الممنوعات زي بتوع المخدرات..
*متنساش اننا بنتكلم عن منظمات امن كبيرة برضك مش اي هاوي يعني*
...
**مفيش حاجة اسمها مستحيل الحكومة تجيب صاحب المواقع بتاعت الديب ويب هو مش مستحيل لكن مش سهل و بتبقي بطرق خاصة و صعبة زي انهم بيتعرفوا مثلاً عن واحد من جوه و يفضلوا يربطوا احداث ببعض لغايت ميوصلوا للعايزينه و و و.. *ده مثال مش اكتر*.. و المشكلة بقي ان بعد مالموقع بيتقفل بيطلع ناس تانين و يشغلوه و هكذا كأنك عمال بتدور علي سمكة في المحيط
________________________________
4-ايه الموجود علي الديب ويب ده؟ ____________________
طب دلوقتي بعد معرفنا معني الكلمة ايه هو بقي الديب ويب و ايه المخاطر بتاعته و مين بيتسخدمه ياعم انت!؟
هقولك انا دلوقتي البيستخدموا الديب ويب هما
1-العصابات
-طب ليه مش بيستخدموا الويب العادي زينا مش العميق
الاجابة لأن الديب ويب بيوفرلهم سرية بنسبة كبيرة و تشفير العمليات البتحصل مابينهم(بسبب استخدام عملة البت كوين و الدارك كوين) و مابين الناس و بيخلي الاتصال بتاع الانترنت متفرع بمعني انك انت اهو بعت رسالة لواحد الرسالة بتروح لسرفر معين و بعدين يبعت لسرفر تاني و هكذا و في الاخر السرفر الاخير هيبان للحكومة لكن مش هتعرف توصل للاساسي بسهولة بمعني انك علشان توصل لاول واحد هتفضل ماشي من اخر سرفر للقبليه و هكذا لغايت متوصل لأول واحد خالص الهو جهازك نفسه اللي باعت الرسالة و الرسالة ديه وصلت لسرفر و اتبعتت لسرفر تانى و البيقولك محدش مراقب الديب ويب و الكلام ده غلط لأن الديب ويب فعلاً مش متراقب زي الويب و صعب مراقبة تحركاتك لكن ده مش معناه ان من المستحيل الوصول لشخص ما حتي لو بصعوبة هناك لكن مش زي في الويب العادي كل معلوماتك و تصفحك عند مزود الخدمة و الحكومة ده في الويب العادي لكن الديب ويب الموضوع مختلف حيث ان كل العماليات الشرائية علي المواقع شغالة بعملات افتراضية فبكده انت عمال تعمل العايزه منغير اي دليل موجود علي العملته و في الحقيقية تقدر تقول ان المخابرات هى المؤسس الرئيسى لبداية الديب ويب لانهم هم المؤسسين لشبكة تور علشان التصفح الامن و علشان يحفظوا الملفات بتاعتهم عليه لكن الحته ديه مصادر قليله البتدعمها فالكلام المضمون انهم عملوا شبكة تور ديه علشان السرية في التصفح و تخزين ملفات مهمة مثلاً.
__________________________________________
5-طب دلوقتي لازم تعرف بقي ايه الموجود عليه 😃
الديب ويب مليان حاجات عمرك ماكنت هتتوقع أنها موجودة علي الانترنت اصلا
زي اسلحة ،،تزوير،مواقع متخصصة للهاكينج،وحاجات تانية كتير ،قتل،تعذيب،بيع لحوم بشر بس الكلام ده مش هتلاقيه اول متدخل اكيد و في الاغلب بيبقي في الدارك ويب الهى الطبقة الاعمق من الديب ويب اساساً
و من المشاكل الهناك زي مقولنا ان فيه مجانين و اصحاب امراض عقلية فيه برده نصابين يعني مثلاً بعد متبعت الفلوس للقاتل ..يروح القاتل ياخد الفلوس و يدعيلك و بس كده😂 يعني متعتقدش انك بتتعامل مع واحد مضمون لا بالعكس اغلبية الناس هتلاقيهم بينصبوا و ده طبيعي،
__________________________________________
6) اهمية المتصفح ده؟
من مميزات متصفح تور انه بيخفي هويتك حيث انك لما بتدخل مش بيغيرلك الاي بي بتاعك و بس لا ده كمان لما تيجي تتصفح موقع معين الطلب بتاعك بيتبعت من سيرفر لسيرفر و من السيرفر ده الطلب بتاعك يتبعت لسيرفر تاني وهكذا و من سيرفر لسيرفر لغايت مبيوصلك الموقع اللي طلبته من الاول خالص و و اخر خطوة ديه التشفير بيتشال علشان تعرف تفتح الموقع اللي انت طلبته و كل ده علشان التصفح بتاعك يبقي متشفر لأن الشتفير مش بيتشال الا في اخر خطوة الهو بعد مبيوصلك الموقع اللي انت طلبته و بكده انت اتصالك بيفضل متشفر لغايت مبيوصلك بعد مبيفضل يتبعت من سيرفر لسيرفر و هو متشفر و بكده لو حد راقبك هيحتاج يفضل ماشي بعكس الخطوات ديه علشان فالاخر يقدريعرف مصدر الاتصال الحقيقي بتاعك ده جاي منين..
طب دلوقتي ايه الفرق مبين الديب ويب و الويب العادي من ناحية المواقع ؟
-الفرق في ان الويب العادي المواقع بتاعته بتبقي شغالة بـProtocols زيhttp
اوhttps (و ده اللي بيبقي أمن بنسبة كبيرة في حماية المعلومات بتاعت الموقع من الهاكرز بحيث ان الهاكر لو حاول يخترق الموقع هتبقي عملية اصعب من انه يخترق موقع ببروتوكول http ..
و الdomains بتاعت المواقع بتبقي ..
.com
.org
.net
.ru
etc..
و دول جوجل أو أي محرك بحث بيقدر يجبهملك عادي بعكس الديب ويب من حيث ان مواقع الديب ويب مستحيل تفتحها من متصفحات عادية زي chrome و firefox.. لأنها مش داعمة للنطاقات بتاعت الديب ويب و ده طبيعي لان زي مقولنا شبكة تور شغالة بطريقة تاني خالص غير الويب العادي و اشهر الدومينز ديه هى
.bit
.onion
.i2p
و دول طبعا عمرهم ماهيشتغلوا من متصفحك العادي..
أكيد دلوقتي هتسأل نفسك الشخص الطبيعي لو عايز يدخل علي النطاقات ديه بيعمل ايه
للمرة التانية علشان متنساش لو عايز تدخل لمواقع الديب ويب و يستحسن من اللاب
يبقي من برنامج اسمه tor و الفكرة فيه انه بيغيرلك الip بتاعك اوتوماتيك علشان تتصفح في امان مش لازم حتي مواقع الديب ويب لو هتتصفح فيس مثلا عادي لكن كل الخطر فأنك لو اتصفحت المواقع بتاعت الديب ويب و اديت حد معلوماتك او حملت حاجة من هناك بس مش اكتر .. و محدش هينطلك مالشباك او متقوله مكانك كل ده هبل و قصص..لكن المعروف انك مش بتدي معلوماتك لحد مجهول يقدر يستفيد بيها بطريقة ضدك و الكلام ده حتي فالويب العادي يعني سايب الويب العادي و حبكت معاك تدي معلوماتك عالديب ويب😂😂
***
و يستحسن تدخل من جهاز فاضي خالص علشان تبقي في امان بنسبة كبيرة بس و ممكن تخبي الكاميرا برضه لنسبة امان اكبر ولاتر ولا اقل..
كل الموضوع بس علشان بيبقي فيه احتمال ان جهازك كل العليه يتشفر و متقدرش تفك التشفير الا بس متحمل صورة و ممكن اول متحمل صورة كده عادية بصيغة jpeg الباعتها ليك يشوف الكاميرا بتاعتك بكل سهولة فعلشان كده دايماً كل الناس بيقولوا متحملش حاجة من ميل غريب جالك او حد مش واثق فيه..
و مش بيتفتح التشفير ده غير لو دفعت للمشفره فلوس بمعني ادق ملفاتك تتفيرس بفيروس من نوع Ransomware)
و من انواع الصفحات الهتلاقيها فالديب ويب
صفحات ملهاش اخوات😂 بمعني انك بتروحلها مش هتوديك لصفحة تاني مش زي اغلبية لمواقع العلي الويب العادي ..
و في صفحات و ديه جوجل مبتقدرش تخزنها ولا تجبيبها و ديه علشان تدخلها هتحتاج متصفحومخصوض معمول علشان تتصفح بامان زي متصفح Tor مثلاً
و في نوع تاني الهيَ ملفات المش نصية بمعني مثلا فيديوهات ..موسيقي..
و في نفس النوع ده في الملفات المستضافة بمعني الملفات المرفوعة عن طريق protocols زي مثلا الftp و ده اختصار لـ' file transfer protocol'
و اخر نوع ده بتبقي مواقع لكن صعب ان حدد يتعقبها لانها زي مقولت فوق انها بتبقي مرفوعة علي سرفرات في اماكن مختلفة علشان يصعب تتبعها
_____________________________________
افتكر**
-أن للديب ويب هو الجزء العميق من جبل ثلج و السطح الهو الويب العادي الكله بيستخدمه بعدين الديب ويب بعدين الدارك و ده بيحتاج صلاحيات خاصة علشان تدخله
- ترجمة ديب ويب للعربي هي ' الـويب العميق ' مش 'الضيب ويب' صدقني😂 او خلينا نقول الإنترنت العميق
و الأسم بيوصف الديب ويب لان كل حاجة فيه غير قانونسة و كده و لغايت دلوقتي مفيش دليل حقيقي يثبت مين العمل الديب ويب بكلام مؤكد بنسبة 100% و الموضوع ده هتلاقيه فاخر البوست بالتفصيل ،
____
*** بعد معرفنا معني الكلمة ايه هو بقي الديب ويب و ايه المخاطر بتاعته و مين بيستخدم الديب ويب ده
البيستخدموا الديب ويب هما العصابات و الناس ديه
-طب ليه مش بيستخدموا النت العادي زينا مش العميق
الاجابة لأن الديب ويب بيوفرلهم سرية بنسبة كبيرة عن الويب العادي فعلشان كدا لو واحد بيستخدمه بالطريقة صح من الصعب أن الحكومة تتبع و توصل لصاحب الموقع أو مين الشخص ده
......
طب دلوقتي ايه الموجود علي الديب ويب
الديب ويب مليان حاجات عمرك ماكنت هتتوقع أنها موجودة علي الانترنت اصلا
زي المخدرات و من أشهر المتاجر البتبيع المخدرات كانت اسمها silk road (متجر الطريق الحريري) لكن دلوقتي اتقفل لكن ارباحة وصلت ل200 مليون ..دولار لكن اتفتح موقع بعده بنفس الاسم من اشخاص تاني و هنا المشكلة كل شوية موقع بيتقفل بيطلع بداله كتير
*ياريت متحاولش تحول الارباح للمصري 👍
-ده غير الأسلحة
أي سلاح تتخيله هتلاقيه علي مواقع كتيرو ليهم طرق خاصة لتخبية الاسلحة
- المستندات المزورة
زي جواز سفر مزور شهادات جامعة مزورة ،بطاقات و ده هيكلفك حوالي 200 دولار بس 😂،.. اما لو جواز سفر امريكي او انجليزي هيكلفك شوية الافات من الدولارات
-أخطر حاجة بقي القتلة البتأجرهم علشان يقتلولك أي حد
و كل التعامل طبعا بيبقي بbitcoin و ديه بأختصار عملة افتراضية و تساوي اكتر من2k $ تقريبا (كل شوية بتزيد)دلوقتي😃
و لو خايف ينصبوا عليك لا متخافش هيبعتولك صورة اثبات بالقتل بعد ميقتلوا القولتلهم عليه
و أكيد مش هنسي البيبيعوا اعضاء بشرية
و الأعضاء ديه ممكن تكون كلي
و الكبد و العيون و كل ده برده مش مضمون لأن زي مقولنا فيه مجانين و قتلة و نصابين و كل انواع البشر التتخيلها علي الديب ويب فـمتفتكرش ان مفيش نصابين بالعكس فيه ناس اذكي منك في النصب و لو عايزين ينصبوا عليك هينصبوا عليك بمعني انهم بعد مياخدوا فلوسهم هيدعولك دعوة حلوه و سلام علي كده 😂
****و فيه ناس زيي و زيك عادي ممكن يتصفحوا الديب ويب عادي جداً و تتعلم من عليه الهاكينج او البرمجة و الـSpamming.. بس المشكلة ان فيه هناك هاكرز محترفين كتير و مثلاً ممكن تيجي تحمل صورة عادية كده بصيغة jpeg مثلاً و تفتحها و كله تمام و هو فالحقيقية شايفك من خلال الكاميرا و ديه تجربة حقيقية واحد عملها و الصحفية قاعدة جامبه علشان يثبتلها الكلام ده و هخط لينك الوثائقي ده تحت برده :-D لو عايز تتأكد..
______________________
طب دلوقتي ايه البيخلي كل الكلام ده ينجح بسرية؟
..
الفلوس الرقمية زي bitcoin و dark coin
و نظام دفع liberty reserve (اتقفل في 2013)و كل دول بيسمحوا للناس انهم يدفعوا فلوس لبعضهم عن طريق الانترنت بكل امان و خفاء بمعني انك متعرفش صاحب الكود البتبعتله ولا هو يعرف مين البعتله (النظام ده زي مهو عادي في البت كوين)
..
و هتلاقي فالديب ويب هاكرز محترفين للإيجار و ناس بيبيعوا استضافات و في منهم مشهورين بانهم لقوا ثغرات في جوجل و Adobe..
و محترفين في مجال الـspamming
و..و..و.. هتلاقي مجالات كتيرة هناك اكتر مما تتخيل
و فيه بردوا مراكز خدمة اتصالات للجرائم و ب لغات مختلفة كمان( مش هتتعب نفسك يعني خدمة خمس نجوم😂)
و دول يقدروا برجعولك اي اكونت اتعمله هاك او يديك شهادات مزورة تثبت خبرتك فحاجة معينة و حاجات كتير تاني كتير و لكن المكالمة الواحدة هتكلفك كتير
..
و طبعا في بردوا فالديب ويب chat rooms او غرف دردشة عادية لكن طبعا مش زي الفيسبوك و الكلام ده لانهم مستواهم اعلي بكتير من ناحية الاقناع و كده فممكن يقنعك انك تديله معلومات عنك و كده و مش هتبقي فامان و في chat rooms علشان تدخلها لازم يبقي معاك دعوة من حد هناك و ناس تضمنك من جواها
___________________
-الديب ويب كل حاجة عليه بتبقي مشفرة و جوجل مش بيقدر يتابع غير نسبة صغيرة من شبكة للإنترنت
و مش بياخد باله من الشبكة العميقة و النسبة بتاعتها ضعف اضعاف الويب و اكتر كمان
و من هنا نقدر نستنتج أن كل لما تعمل Search و يجيلك results بالمليونات متعديش غير 0.03% من المعلومات الموجودة علي الانترنت ككل بكل طبقاته
(صفحة من كل 3000 صفحة بس تقريباً،)
نفس فكرة أنك بتصتاد في جزء اقل عمقة من متر في المحيط كله
بأختصار طول مأنت بتتصفح سطح الويب الطبيعي الهو فيه google ..facebook..
كده أنت مش واخد بالك من الماريانا ترينش و ديه أعمق حته في المحيط و ديه نفس فكرة الويب لأن الويب متقسم اجزاء و أعمق جزء ممكن تتخيله بيسمي بالMarianas web و marianas ديه فالمحيط بتبقي اعمق جزء و هنا سبب الاسمية طبيعية لاننا بتشبه الويب بجبل تلج او محيط و الويب جزء عميق تحت الجبل و بعدين دارك وبعديها بشوية الـmarianans web طبعاً ده باختصار لانك هتلاقي فيه مستويات ديب صغيرة فالنص لكن احنا بنتكلم عن المسويات المشهورة دلوقتي :-D
و في ناس بيقولوا انه خيالي اساساً لان المعروف عنه علشان تدخله لازم تحل معادلات صعبة و ديه هنا البتعتبر الباسورد للجزء ده من الويب و مش هتوصلها غير لما تدخل في القبليها و القبليها محتاج عمليات حسابية صعبة و قصة كببرة كده و مش بتتعمب من جهاز كمبيوتر عادي كده زي بتاعنا ، فباختصار انت لو شخص طبيعي جداً كده اخرك توصل الدارك ويب بالعافية لأن الاجزاء زي المارياناس ويب بتحتاج كمبيوترات مخصوصة اسمها quantum computers و ديه موجودة في الحتت اليحصل فيها البحث العلمي علشان بيحتاجوا يعملوا عمليات حسابية كبيرة و دقة و الكلام ده كله الخاص بالبحث العلمي زي في مشاريع انهم يعملوا ليزر قوي جداً مثلاً و هكذا..
و طبعاً بيبقي فيه كمية رامات هائلة علشان تنفذ كل العمليات ديه غير سعره الهائل طبعاً*😁
------معلومة____
و طبعا كل ما هتتعمق في مستويات الويب في مستويات لازم تحل مسائل او عمليات حسابية صعبة علشان تدخلها و فيه مستويات تاني لازم يبقي حد داعيك من جواه وتقدر تفهم كل ده لو روحت للصورة التحت
>>>>>> bit.ly/2kpZ1ZL <<<<<<<<
_____________________
____________
و طبعا الويب متقسم اجزاء و تقدر تشوفها من علي اللينك ده علشان الجودة .. و كل مهتتعمق اكتر في الديب ويب الخطر هيزيد ف لو عايز تدخل الديب ويب علشان عاملك فضول بلاش أحسنلك علشان في اجزاء فيه عميقة أكتر مما الناس متخيلة لكن برده بقولك مش محدش هينط كده من وراك و يقتلك و 'يقولك ضيب يوب يرئ'' لأن كل البوستات اللي بيقولك فيها ضيب ويب يرئ ديه مجرد هزار لان الديب ويب كان trend من فترة و الناس بقوا بيتكلموا عليه علشان كده
و هتلاقي حاجات بشعة و مرعبة زي لعبة sad satan الاصلية مثلاً ..فبلاش لو داخل كفضول هتلاقي عينات للكلام ده علي اليوتيوب بس الاغلبية اي كلام مش حقيقي علشان يشدوك للفيديو و يجمعوا مشاهدات و كده😃..
..
طبقات الديب ويب بالتفصيل..
:- bit.ly/2kpZ1ZL
*أخر طبقة ديه أخطر حاجة ممكن تتخيلها و في ناس بيشككوا في وجودها اصلا و القبل الاخيرة محتاجة انك تحل مسأل رياضية معقدة و محتاج كمبيوترات خارقة و حاجات كدا كتير محدش عادي هيعرف يوفرها لنفسه ف لو مصمم و عايز تدخل الديب ويب خليك في اول كام level احسن الهو الويب العادي و الديب ويب و الدارك ..
و كده كده صعب تدخل للطبقات العميقة بتاعت باقي الويب
...
_____
الخلاصة جهازك مش هينفجر لوحده ولا الناس هتقتلك(يقتلك ليه يعني خلاص من شهرتك يعني !؟) ولا كل ده لو واخد بالك من البتعمله اكتر حاجة مكن تحصلك ان جهازك يتسرق المعلومات العليه كلها و يبتذوك علشان يرجعوها ليك بأنك تبعتلهم bitcoins و ديه عملات افتراضية و اسعارها متغيرة بأستمرار احسبها بقي انت و شوف كام مصري😂...
أهم حاجة متقولش أي حاجة تدل عنك هناك خليك ذكي يعني😂
*متحاولش تتذاكا علي حد هناك
*اما المواقع بتاعت الديب هتضطر تتعب نفسك و تدور بنفسك لأني مش هديك المواقع اكيد..
____
الختام بقي 😃
-الديب يب مكان لبيع اي حاجة ممكن تتخيلها
-ممكن المعلومات العلي جهازك تتشفر و التشفير مش هيتفك غير لما تبعت للمشفرينه فلوس فيُفضل تدخل من جهاز فاضي خالص**فيؤوس بنوع ransomware يعني
-و طبعا متكلمش اي حد ولا تتكلم مع اي كد هناك كفاية تتصفح بس
-الديب ويب فيه لعب خطيرة زي،sad satan و ممنوعة و افلام و تسجيلات ممنوعة و في الطبقات العميقة و الصعب توصلها في ناس بتقول ان في هناك اسرار خطيرة او اسرار مهمة يعني زي مخططات دولية و جرايم كبيرة او تجارب علمية محدش بيتكلم عليها و ده مش كلام هبل زي ما هتقول دلوقتي لأن فيه مصادر بتقول ان فيه ملفات خاصة بالـF.B.I هناك و سنحوا للعامة باستخدام تور علشان ملفاتهم تفضل محفوظة و تتلخبط مع باقي الملفات من كترها لكن المر خرج عن السيطرة بعديها و الديب ويب وصل للهو فيه دلوقتي😂
-في الديب ويب في اوض لتعذيب الناس مقابل فلوس عن طريق bitcoin
و فيه بيعذبوا حيوانات و البياكلوا البشر بجد مش تمثيل و و و.. بس الحاجات ديه اشهر حاجات الديب ويب مشهور بيها
-هتلاقي مواقع بتعلم هاكينح مثلا و مجالات مختلقة كتير فممكن تستفيد من الديب ويب من الناحية ديه
-من الأخر بلاش تدخل الديب ويب لو مش هتعرف تأمن نفسك او لو قلبك ضعيف..
مصادر لو حابب تراجع علي كل الكلام ده او تقرأه (فيه مصادر كتير بس ده الفاكره الصراحة😂)
1- Wikipedia
bit.ly/29ykOYu
___________
2-Netawy
bit.ly/2vBqzDF
__________
3-Security intelligence
ibm.co/2vguVz0
---------------
4-فيديو قصير بيشرح نشأة شبكة تور و الديب ويب من بعده ..
:- bit.ly/2vwpNoM
___________
4-,و ثائقي عن الديب ويب و برده فالنص هيثبتلك ان ممكن صورة عادية جداً بعد متنزلها علي جهازك و تفتحها الباعتهالك يقدر يشوفك من خاال الكاميرا بتاعت جهازك..
:-bit.ly/2vsaz60
________________________________
كل مستوايات الويب و الحاجات الجوه كل واحد(افتح اللينك و هيوديك للصورة )
:- bit.ly/2kpZ1ZL
________________________________
نيجي بقي للسؤال البنقول عليه من أول البوست مين عمل شبكة تور و ليه؟!
من زمان شبكة الانتر نت مكنتش مصممه للتخفي و كل حاجة كنت بتعملها كانت بتتسجل في مكان ما .. لكن كان فيه فئة من الناس محتاجين التخفي ده و هما الحكومة الفدرالية الهما في امريكا فـ علماء من علماء الـComputers ابتدوا يطوروا علي تكنولوجيا اسمها Onion routing و الفايدة من الموضوع ده انك بعد متبعت رسالة لصاحبك محدش يقدر يعرف مكانك ولا انت مين ولا المبعوتاله مين و الشبكة ديه معروفة بـشبكة الغطاء و ديه شبكة فوق الشبكة الرئيسية الهى الانتر نت عبارة بدل مأنت بتسخدم النترنت العادي يروحوا يستخدموا شبكة خاصة من نوع الشبكات المغطاه بأسم tor و في موضوعنا هنا عن الديب ويب بيستخدموا شبكة غطاء بأسم ' Tor ' و ديه بتسمح ليك بتصفح امن زي مقولنا فوق بالاتصال المجهول بالانترنت لكن ساعتها اكتشفوا مشكلة كبيرة و المشكلة هى ان لو حد من اعداءهم حس بأتصال منهم هيعرفوا انهم بيحاولوا يهجموا عليهم و رغم انهم مش هيعرفوا ايه الحصل هيقدروا يعرفوا الوقت بالظبط الحصل فيه الاتصال ده فدلوقتي مبقاش فيه حل قدام الحكومة غير انهم يطلقوا Tor للعامة و انتشرت للناس بأسم tor او the onion routing و دلوقتي فيه ناس عادية زيي و زيك بيستخدموا Tor للتخفي و التصفح بأمان لكن فيه ناس تاني بيستخدموه في الدخول للدارك ويب و ده جزء عميق من الويب و بيتكون من شبكات مظلمة و مش هتقدر تدخل ليها غير عن طريق استخدام برنامج بيشغل الشبكة ديه بالنطاقات بتاعتها و زي مقولنا فوق ان فيه ناس بيستخدموا تور عادي في اغراض عادية للأمان و كده ،فيه مجموعة تانية من الناس و دول البيدخلوا للدارك ويب و دول بيبقوا داخلين مخصوص علي الحاجات المجهول المحدش يقدر يوصلها فالعادي ..
كل الكلام ده بيجذب الناس انها تدخل و تكتشف الديب ويب و عبارة عن ايه و كل ده
لكن في 2013 تم القبض علي اكبر مجموعة بتبيع مخدرات و اكتشفوا ان الموقع كان مفتوح من سنة 2011 و ثروة الموقع وصلت لـ1 و اتنين من عشرة مليار دولار و بعد مالأخبار اتكلمت عن الخبر ده ابتديت الناس تعرف اكتر عن الموضوع ده و اعداد البيدخلوا للديب ويب زادت و بعد ما موقع silkroad تم فتح واحد تاني في 2014 و قبضوا عليهم برده لكن بعد مقبضوا عليهم راح واحد تالت اتفتح يعني كل ميحاولوا يقفلوا المواقع ديه يطلعلهم الضعف من ناس تانيين و مش شرط ينفذوا البيقولوا عليه..
وطبعاً مهما عملت متنزلش اي حاجة من علي الديب ويب او تشتري اي حاجة لأن مفيش ضمانات ليك ان حد هيديك حاجة فى مقابل الفلوس اللي دفتعتها..
انضموا لنا على Telegram من خلال الرابط :
🌐 https://t.me/mina_fr3onانضموا لنا على YouTube من خلال الرابط :
🌐 https://youtube.com/@mina_fr3on
انضموا لنا على المدونه من خلال الرابط :
🌐 https://minafr3on.blogspot.com/?m=1
___ بالتوفيق للجميع.
..
و بكده انتهي موضوع الديب ويب بالتفصيل لو عجبك البوست متنساش تعمل لايك و شير للبوست و *صبصقراايب* و كده بقي😂😂..
________________
#David_G
#DG2Q
#DeepWeb
#يعنى_ايه_ديب_ويب
_______________________________________________
المشاركات
إرسال تعليق